យោងតាមការស៊ើបអង្កេតរបស់ប៉ូលីស Kuchakurni បានផ្លាស់មកនៅផ្ទះម្តាយរបស់ខ្លួន បន្ទាប់ពីប្រពន្ធ និងកូនៗ៣ឆ្នាំ ចេញទៅរស់នៅក្នុងទីក្រុង Mumbai ព្រោះតែពួកគេមិនអាចដោះស្រាយជាមួយភាពញៀនស្រារបស់បុរសជាប្តី-ឪពុករូបនេះបានតទៅទៀត ។ Kuchakurni ពុំបានជួយធ្វើការងារអ្វីនោះទេ និងប្រើប្រាស់លុយរបស់ម្តាយ ដើម្បីទិញស្រាផឹក។
នៅថ្ងៃច័ន្ទ អ្នកស្រី Yelaya បានប្រាប់កូនប្រុសតិរច្ឆាននេះថា គាត់ពុំឲ្យលុយរូបគេទិញស្រាផឹកទៀតឡើយ ។ ជាការឆ្លើយតប Kuchakurni បានចាប់ទាញកាំបិត និងចាក់សម្លាប់ម្តាយរហូតស្លាប់តែម្តង ។ រូបគេបន្ទាប់មក បានវះយកបេះដូងម្តាយ ទៅស្ងោរស៊ីក្លែមស្រា ។
អ្នកជិតខាងម្នាក់បានទូរស័ព្ទទៅប៉ូលីស បន្ទាប់ពីបានឃើញ Kuchakurni ខ្លួនប្រាណគ្របដណ្តប់ដោយឈាម ។ ភ្លាមៗនោះ ប៉ូលីសបានមកដល់ផ្ទះកើតហេតុ និងរកឃើញខ្លួនប្រាណរបស់អ្នកស្រី Yelaya ត្រូវបានកាត់ផ្តាច់យ៉ាងសាហាវឃោរឃៅជាទីបំផុត។ ប្រសិនត្រូវបានកាត់ទោស នោះ Kuchakurni នឹងប្រឈមទោសប្រហារជីវិត ក្នុងករណីខឹងម្តាយបដិសេធឲ្យលុយទិញស្រាផឹក ហើយក្លាយជាអំពើដ៏ឃោរឃៅបែបនេះ មកលើម្តាយខ្លួន៕
